Келаси ўқув йилидан бошлаб бола 7 ёшга тўладиган йилда 1-синфга қабул қилинади. QANDAY HUJJATLAR KERAK BO’LADI?

Maktabga qabul qilish taribi va kerakli xujjatlar

Maktab yoshidagi bolalarni tibbiy ko‘rikdan o‘tkazish tartibi O‘zbekiston Respublikasi Sog‘liqni saqlash vazirligi tomonidan Xalq ta`limi vazirligi bilan kelishilgan holda belgilanadi.
 
Bolalarni umumta`lim muassasasining 1-sinfiga qabul qilish uchun ularning ota-onalari tomonidan quyidagi hujjatlar topshiriladi:
 
 1. Ota-onalar tomonidan umumta`lim muassasasi direktori nomiga ariza;
 2. Ota-onalarning fuqarolik pasporti (fuqaroligi bo‘lmagan shaxslarning O‘zbekiston Respublikasida yashash guvohnomasi) nusxasi (doimiy propiskasi yoki turgan joyi bo‘yicha hisobga olinganligi haqidagi qayd yozuvi ko‘rsatilgan holda);
 3. Bolaning tug‘ilganlik haqidagi guvohnomasi asl nusxasi;
 4. Bolaning sog‘lig‘i to‘g‘risida tibbiy ma`lumotnoma;
 5. Bolaning 3,5 x 4,5 sm hajmdagi 4 dona rangli fotosurati;
 6. Bolaning yashash joyidan ma‘lumotnoma
 
 Bolani umumta`lim muassasasining 1-sinfiga qabul qilish uchun ularning ota-onalari tomonidan quyidagi hujjatlar topshiriladi(6 yoshlilar uchun):
 
 1. Xalq ta’limi mudiri nomiga ariza
 2. Tibbiy ko‘rik daftari
 3. Tug‘ilganlik xaqidagi guvoxnomaning asl nusxasi
 4. 3×4 rasm (6 dona)
 5. Yashash joyidan ma‘lumotnoma
 
 Bolani maktabgacha ta’lim muassasasiga joylashtirish uchun ularning ota-onalari tomonidan quyidagi hujjatlar topshiriladi:
 
 1. Xalq ta’limi bo‘limining yo‘llanmasi
 2. 026 va 063 shakldagi tibbiy ma’lumotnoma
 3. Tug‘ilganlik xaqidagi guvoxnomaning nusxasi
 4. 3×4 rasm (4 dona)
 5. Yashash joyidan ma‘lumotnoma
 6. Ota-onaning pasport nusxalari
 7. Ota-onaning ish joyidan ma’lumotnoma
Келаси ўқув йилидан бошлаб бола 7 ёшга тўладиган йилда 1-синфга қабул қилинади

«Таълим тўғрисида»ги янгиланган қонунга асосан, ота-оналар ва педагоглар ўртасида болани мактабга бериш ёши тўғрисидаги тушунмовчиликларга барҳам берилиши айтилди.

Фото: Халқ таълими вазирлиги ахборот хизмати

Ўзбекистонда эндиликда бола 7 ёшга тўладиган йилда 1-синфга қабул қилинади. Бу ҳақда халқ таълими вазири ўринбосари Усмон Шарифхўжаевга асосланиб, Kun.uz мухбири хабар бермоқда.

Шу пайтгача болани неча ёшдан мактабга бериш масаласи ота-оналар томонидан турлича талқин қилинарди. Норматив ҳужжатларда 6–7 ёш деб белгиланган. Бошқа тартибда эса психолог хулосасига кўра, бола мактабга тайёр бўлса, муддатидан олдин 6 ёшда қабул қилиниши мумкин, деган талқинлар ҳам бўлган ва бу кўплаб эътирозларга сабаб бўлди.

Бу вазиятдан кимдир ўз моддий манфаати йўлида фойдаланиши ҳам мумкин. Шу сабабли халқаро тажрибадан келиб чиқиб, 6 ёшли болаларни мактабга тайёрлов мажбурий равишда қонунга киритилди.